Pakikisama Kahit Mali Na
“Pakikisama lang.” Ilang beses na nating narinig ‘yan? Alam mong mali, pero sumasabay ka para walang gulo. Alam mong hindi tama, pero nahihiya kang tumanggi. Ayaw mong mapag-isipan na KJ, kaya ginagawa mo na rin kahit labag sa prinsipyo mo. Pero real talk: Hindi lahat ng pakikisama ay kabutihan. May pagkakataong kailangan mong marunong makisama. Pero may pagkakataon ding kailangan mong marunong magsabi ng “Hindi.” Hindi mo kailangang gumawa ng mali para lang mapabilang. Hindi mo kailangang isuko ang prinsipyo mo para lang tanggapin ka ng grupo. Ang tunay na tapang ay hindi yung kaya mong sumabay sa lahat. Minsan, ito yung kakayahan mong sabihin: “Hindi ako sasali. Mali ‘yan.” Dahil ang tunay na pakikisama ay hindi dapat nangangailangan na isuko mo ang iyong prinsipyo, konsensya, at paninindigan.
