Ebanghelyo Juan 3:16–21
Ebanghelyo Juan 3:16–21 Sapagkat gayon na lamang ang pag-ibig ng Diyos sa sanlibutan kaya ibinigay Niya ang Kanyang bugtong na Anak, upang ang sinumang sumampalataya sa Kanya ay hindi mapahamak kundi magkaroon ng buhay na walang hanggan. Sapagkat hindi isinugo ng Diyos ang Kanyang Anak sa sanlibutan upang hatulan ang sanlibutan, kundi upang iligtas ang sanlibutan sa pamamagitan Niya. Ang sumasampalataya sa Kanya ay hindi hinahatulan, ngunit ang hindi sumasampalataya ay nahatulan na, sapagkat hindi siya sumampalataya sa pangalan ng bugtong na Anak ng Diyos. At ito ang hatol: dumating ang ilaw sa sanlibutan, ngunit minahal ng mga tao ang kadiliman kaysa ilaw, sapagkat masama ang kanilang mga gawa. Ang bawat gumagawa ng masama ay napopoot sa ilaw at hindi lumalapit sa ilaw, upang hindi mabunyag ang kanyang mga gawa. Ngunit ang gumagawa ng katotohanan ay lumalapit sa ilaw, upang makita na ang kanyang mga gawa ay ginawa sa Diyos.
